Skaparglede i Kyrkjestua
16 livlege ungar og eit tital vaksne fylte Kyrkjestua i Åsskard på hobbykvelden torsdag. Stemninga var god, og masse fin julepynt vart skapt av små og store hender.
Her tegna, farga, klipte og lima dei julelenkjer, kort, nissar og englar. Her dekorerte dei sylteglas til flotte lysestakar.
- Vart ikkje denne fin? Foto Randi Bøe
Spesialist Gerd Anny hadde med avansert utstyr og viste korleis kunstkort kan lagast - med motiv av alle slag. Eva og Randi instruerte også i mangfaldet av aktiviteter. Og foreldre deltok med liv og lyst og stor iderikdom.
Tone Merete, Eva og Svanhild sørga for at kvelden vart avrunda med felles kveldsmåltid. Kakskiv’ med godt pålegg gjekk ned på høgkant - med mjølk, kakao eller saft attåt.
Kyrkja er først og fremst gudstenestehus. Men ho kan også ha fleire funksjonar - kanskje med lågare terskel og andre mulegheter. Ei «kyrkjestue» som i Åsskard opnar for ulike menighetssamver i kreativt fellesskap.
For smårollingar kan vel stua ha større appell enn gudstenesterommet. Ein av kveldens aktørar sa det slik: - Men na der stor’ salen da, ka bruka dem den te?
Høg prosent av den aktuelle aldersgruppa i Åsskard møtte fram - sjøl om det var andre aktivitetstilbod same kveld. Og på heimvegen hadde dei mange sjøllaga, fine produkt å ta med.
Innsendt av Bernt G. Bøe
Store og små i skapande aktivitet. Foto Randi Bøe