Vil du som går i 5. klasse bli med på noko spennande?
Velkomen til en helg fyld med leik, overnatting, mat, fellesskap og ei gudsteneste som du er med på å skape.
Kvelden før 1.søndag i advent, fyller vi kyrkja med born og kjekke ungdomsleiarar til Lys Vakenhelg.
Vi samlast laurdag 30. november kl. 16.00 i Øye kyrkje
Då skal vi leike, bli kjende med kvarandre, utforske kyrkja, ete god mat og godteri. Etterpå skal vi alle saman sove over i kyrkja.
På søndag et vi frukost saman før vi førebur oss til gudstenesta vi har laga. Når denne tek til, skal vi vere med og vise kva vi har øvd på. Foreldre og søsken er hjarteleg velkomne til å bli med.
Samstundes får soknets 4 åringar si kyrkjebok, så «Ta her blir kjøle gøttj!»
Du må ha med deg: Sovepose, liggeunderlag/luftmadrass (Ikkje større enn 90x200), drikkeflaske,
eit klesskifte, uteklær, toalettsaker, pysjamas, INNESKO og lommelykt.
Meld deg på seinast 28.november.
Påmelding til kyrkjekontoret på tlf. 71657060 (man-tor 10-14) eller på e-post post@surnadal.kyrkja.no